MÝVATNSHRINGURINN - Almenningsmót! 

 

Mývatnshringurinn og Mývatnsmaraþonið verða haldin laugardaginn 31. maí 2025!
 

Búast má við aukinni umferð hjólreiðamanna við Mývatn laugardaginn 31. maí 2025. Mývatnshringurinn 2025 verður ræstur frá Jarðböðunum við Mývatn kl. 9:50 og mun töluverður fjöldi hjólreiðafólks hjóla umhverfis Mývatn, en á sama tíma fer líka fram Bikarmót í hjólreiðum í samvinnu við HFA. Keppnisleiðin endar í Jarðböðunum við Mývatn og gert er ráð fyrir því að keppninni ljúki um kl 13:00.

Mývatnshringurinn er fyrsta hjólreiðakeppnin við Mývatn en hjólað er á malbiki umhverfis vatnið eða 42.2km. Keppt er í almenningsflokki og keppnin hentar mjög vel öllum áhugasömum um götuhjólreiðar og við hvetjum eindregið keppnisfólk, fjölskyldur og vinahópa til að hjóla saman þessa stórbrotnu leið.

Mývatnshringurinn er hugsaður sem hjólreiðakeppni fyrir alla í stórbrotnu en samt þægilegu umhverfi. Allir þáttakendur fá skráðan tíma. Innifalið í skráningu er einnig aðgangur í Jarðböðin við Mývatn, hamborgari frá Hótel Laxá og bjór frá Mývatn Öl! Vinningar fyrir fyrstu 3. sætin.

Vegalengd: 42.2 km.

Dagsetning: 31. maí 2025

Ræsing: 09:55

Skráningargjald: 11.500kr fyrir fullorðna og 6.500kr fyrir börn (12-15 ára)

Ath. það má taka þátt á rafmagnshjóli en þau hjól teljast ekki til úrslita.

Hér er Mývatnshringurinn á Strava

​​

​